នាព្រឹកថ្ងៃទី១៧ ខែសីហា ឆ្នាំ២០២៣ សាស្ត្រាចារ្យ និងនិស្សិតនៃសកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ចចំនួន៨០នាក់ បានអញ្ជើញមកទស្សនកិច្ចសិក្សាស្វែង យល់អំពីព្រឹទ្ធសភា នៃព្រះរាជាណាចក្រកម្ពុជា នៅវិមានព្រឹទ្ធសភា។
ក្នុងឱកាសនោះ សាស្រ្តាចារ្យ និងនិស្សិតនៃសកលវិទ្យាល័យ ភូមិន្ទនីតិសាស្ត្រ និងវិទ្យា សាស្ត្រសេដ្ឋកិច្ច បានអញ្ជើញស្តាប់ការធ្វើបទបង្ហាញដោយ ឯកឧត្តម ម៉ាន់ ឈឿនអនុប្រធានគណៈកម្មការទី៧ព្រឹទ្ធសភា ស្តីពីរចនា សម្ព័ន្ធ តួនាទី និងភារកិច្ចរបស់ព្រឹទ្ធសភា លោក យិន យូរ៉ាន់ អគ្គនាយករងនៃអគ្គនាយកដ្ឋានសេវាច្បាប់ និងសមូហភាពដែនដី ធ្វើបទបង្ហាញស្តីពីដំណើរការនីតិកម្មរបស់ព្រឹទ្ធសភា និងលោកស្រី ឃុន សុវណ្ណនេត្រា ប្រធាននាយកដ្ឋានអភិវឌ្ឍធនធាន មនុស្ស ធ្វើបទបង្ហាញស្តីពីរចនាសម្ព័ន្ធ តួនាទី និងភារកិច្ចរបស់អគ្គលេខាធិការដ្ឋានព្រឹទ្ធសភា។
បន្ទាប់ពីស្តាប់បទបង្ហាញរួច សាស្រ្តាចារ្យ និងនិស្សិត បានអញ្ជើញទស្សនាសាលប្រជុំព្រឹទ្ធសភា បណ្ណាល័យព្រឹទ្ធសភា និងអគារប្រវត្តិសាស្រ្តនានានៅក្នុងបរិវេណព្រឹទ្ធសភា។

ប្រភព៖ នាយកដ្ឋានព័ត៌មាន